Polo norte de Galicia

Nos días de moita calor un paseo á beira do río, baixo a sombra das árbores de ribeira, é unha gozada. No "país dos mil ríos" temos tantos para elexir que sempre atoparemos unha senda fluvial que nos conveña. Os nosos favoritos son: o Eume , o Belelle , o Xubia , o Castro , o Sor , o Mera , o Mandeo ,...con variadas rutas, sendas, fragas, fervenzas, muíños, áreas recreativas, etc., para disfrutar. Cales son os teus favoritos?

Fermosa camiñata polo extenso areal de Morouzos-Cabalar en Ortigueira . Encantounos recorrer as sendas que levan ata a praia, a marisma, ás dunas, ou baixo a sombra sombra do gran piñeiral,... As vistas da ría son espectaculares! Nunha pequena depresión está a lagoa de S. Martiño , con varias sendas de madeira que nos levan a pequenos miradoiros no seu perímetro. É unha lagoa estacional e, hai décadas, foi o vertedoiro do concello. Despois dun gran traballo de recuperación do espazo natural, hoxe a flora e a fauna son os donos do lugar. Paraísos do norte de Galicia!

Cargar pilas cun paseo pola praia é estupendo. Si vives preto dunha, calquera momento é bo para achegarte a ela. O extenso areal da praia de Seselle-O Raso , é un paraíso para camiñantes, corredores ou simplemente paseantes. Ata aos parruliños lles gusta!

Hai uns días, disfrutabamos dunha primavera solleira que non anticipaba este tempo borrascoso que hoxe nos acompaña. Con bo tempo sempre é un placer achegarse á nosa costa Ártabra e disfrutar das súas praias. Neste caso fomos á de Campelo , á que había tempo que non íamos. O son do mar, a airexa marítima, o espectáculo dos cantís que nos rodean,...Abraiante beleza!

A finais de abril, cunha explosión de beleza e verdor na natureza, calquera lugar é unha fermosura: costa, monte, paraño, unha senda,un río,... e con tanto onde elexir ás veces resulta difícil. Decidimos seguir cos ríos e desta volta dirixirnos ata o curso alto do Eume . Recorrer eses estradas rurais que nos achegan á beira do río, entre montañas, con pequenos rueiros e casas espalladas (moitas abandonadas), que humanizan estas paraxes. O Eume , ao longo dos seus 80Km de lonxitude, ofrece moitos lugares e recunchos ben coñecidos para visitar e disfrutar ( As Fragas do Eume , Caaveiro , Os Canóns do Eume , O Caneiro , etc.). Posiblemente sexa menos coñecido o seu curso alto, dende As Pontes ata o seu nacemento na parroquia de Montouto do concello lugués de Abadín . E esa foi a nosa elección para esta excursión. Paraísos do norte!