Polo norte de Galicia

Esta camiñata, dende o aparcadoiro da praia de Chanteiro , polo camiño de Salgueiras , a punta de O Segaño , e seguindo pola senda costeira da entrada da ría de Ferrol ata o castelo de A Palma , é un regalo para os sentidos. A costa das dúas marxes da ría é espectacular, coas baterías costeiras, os castelos, as abundantes calas de augas turquesas. Estas pequenas calas son toda unha tentación, pero o acceso ás mesmas está practicamente imposible, o que é unha mágoa. Por exemplo a cala do Bonete do Cura é ben fermosa, e merece ter a baixada limpa. O merendeiro de Xunco Novo e a pequena fervenza do Cabalo , pola contra, vense coidados. Ao longo da senda sempre encontramos máis camiñantes ou ciclistas que, coma nós, disfrutan desta marabilla! Paraísos ao lado da casa!

A camiñata A Palma-O Segaño , ou viceversa, cos seus máis de 6Km ida e volta é unha das que repetimos con máis frecuencia, pero non por iso deixa de sorprendernos sempre con algo novo. Onte deixamos o coche a carón do castelo da Palma e o primeiro en chamar a nosa atención foron os moitos narcisos silvestres a ambos lados do camiño. Pouco máis adiante baixamos ata a enseada de Nande . A marea chea cubría ata o borde da ribeira e impedía pisar a area. Xa entrando no concello de Ares , o Merendeiro de Xunconovo sempre tan fermoso, a pesar do deterioro sufrido por actos vandálicos e o paso do tempo. A pequena fervenza do Cabalo completaba co son da auga a beleza deste recuncho. E así disfrutando da camiñata chegamos ata a Punta do Segaño . Un pequeno descanso nun dos bancos do Camiño de Salgueiras para admirar o Golfo Ártabro e volta. É unha ruta magnífica, por iso non é de extrañar que sexa tan frecuentada por camiñantes, corredores ou ciclistas. Paraísos de Bezouc...

A camiñata dende o Castelo da Palma ata a O Segaño nunha fermosa tarde de xaneiro é un agasallo para o ánimo. En pouco máis dunha hora fixemos o camiño de ida e volta. A placidez da ría de Ferrol neste solleiro e fresco serán era perfecta. Os castelos de S. Felipe e A Palma lucían ben fermosos coa luz do sol invernal. Sorprendeunos gratamente ver a pequena fervenza do Cabalo , limpa de maleza e sinalada. Nunca a viramos, so escoitabamos a súa auga baixando o monte. Puro relax para os sentidos!

Achegarse ata a ribeira da Punta do Segaño é unha experiencia sensorial estupenda; limitarse a observar e sentir o olor do mar, as súas cores, a airexa marina na nosa pel, o sol, a inmensidade do océano,... Sentarse a ler, tomar unha merenda, meditar,... poden ser outras opcións. E si quedamos ata o solpor, para ver o sol esconderse polo horizonte, cunhas imaxes que poden ser espectaculares, xa é o summun. Paraísos!

Estupenda camiñata de pouco máis de 6Km (ida e volta) entre os concello de Ares e Mugardos . Saíndo da batería costeira de Punta Segaño o camiño permite observar a entrada da ría de Ferrol e as baterías, fortes e castelos que formaban parte do sistema defensivo da mesma. O camiño, case sen desniveis, é moi cómodo para todas as edades e moi frecuentado por ciclistas, corredores ou camiñantes. Á esquerda, o mar e as ribeiriñas que descobre a marea baixa , e á dereita a aba de Montefaro que semella un muro protector desta fermosura de paisaxe. Ao chegar a esta pequena área de descanso (actualmente bastante descoidada) sabemos que deixamos o concello de Ares e entramos no de Mugardos. Pouco despois chegamos ao lugar onde estaba o castelo de S. Martiño, dende o cal se tendía unha forte cadea ata o castelo de S. Felipe, na outra banda da ría, para evitar a entrada de naves enimigas. Hoxe so quedan unhas ruinas. Os Castelos de S. Felipe e da Palma ao fondo, as grandes fortalezas defe...