Polo norte de Galicia

Mirar ao noso arredor e descubrir recunchos máxicos e fermosos, lugares que enchen de paz o espíritu e que convidan a quedar neles, sitios que nos abraian e que nos deixan sen palabras,...en Galicia hai moitos. Unha sinxela ponte medieval sobre un rego pode ser ese recuncho. En Monfero , sobre o Rego dos Curros no lugar onde desemboca no Río Frai Bermuz , atópase este recuncho de gran beleza. Para disfrute dos sentidos!

Nos días de moita calor un paseo á beira do río, baixo a sombra das árbores de ribeira, é unha gozada. No "país dos mil ríos" temos tantos para elexir que sempre atoparemos unha senda fluvial que nos conveña. Os nosos favoritos son: o Eume , o Belelle , o Xubia , o Castro , o Sor , o Mera , o Mandeo ,...con variadas rutas, sendas, fragas, fervenzas, muíños, áreas recreativas, etc., para disfrutar. Cales son os teus favoritos?