Polo norte de Galicia

O río Eume nace na xuntanza dos regos do Lamoso o o das Toxeiras (que neste punto xa leva recorridos máis de 2.250KM), na Serra do Xistral , na parroquia de Montouto do concello de Abadín . Nos seus 80Km de lonxitude pasará polos concellos de Muras , Xermade , As Pontes , Monfero , A Capela , Cabanas e Pontedeume , ata chegar ao mar na ría de Ares . Neste paseo polas terras altas do Eume , partimos de Invernés(Muras) despois de cruzar a ponte sobre o río, e seguiremos pola estrada, que case sempre moi preto del, nos levará ata A Laxe en Montouto(Abadí n), para ver o seu nacemento. Unha estrada de montaña moi tranquila, con paisaxes variadas e ben fermosas. Seguimos pola estrada que leva ao parque eólico de Montouto e Fiouco e xa vemos o pequeno río aparecer entre dous montes. Unha longa viaxe espéralle ata chegar ao mar. Dende o alto do parque as serras do Xistral e a da Toxiza destacan na inmensidade de paisaxe que podemos contemplar neste serán de finais de sete...

A Serra do Xistral é tan impactante, que cada poucos meses temos que facer unha pequena excursión ata ela. Desta volta percorremos parte da serra do lado leste, hacia a serra da Toxiza . A parte norte estaba cubríndose da néboa tan frecuente nesta serra. Horizontes infinitos, natureza brava, grandes moles graníticas que semellan un parque pétreo, silencio roto polos aeroxeneradores, cabalos e vacas en liberdade,...

Ás veces, as escapadas son en coche. Neste caso decidimos dar un paseo polas nubes e fomos ata a Serra do Xistral para subir (en coche) ao monte Cadramón. Situado na parroquia de S. Xurxo de Cadramón, no concello do Valadouro, é o monte máis alto do norte de Galicia. Toda a Serra do Xistral merece unha visita. Nela atoparemos rutas marcadas para facer a pé como a ruta da fervenza do Escouridal, a da Pena Abaladoira, o nacemento dos ríos Eume e Ouro, paisaxes incribles que nos deixarán abraiados,...Moito por descubrir. Convén ir con bo tempo, pois son moi frecuentes as néboas espesas que cubren todo.