Polo norte de Galicia

Esta pequena camiñata a carón do Belelle , dende Cabalar ata Formariz (dentro do concello da Capela), facémola con certa frecuencia. Está dentro da GR55 , que é un dos largos recorridos que vai dende Betanzos ata S. André de Teixido. Coñecida tamén coma o Camiño do Medievo ou Ruta dos Castelos e Mosteiros , nos seus case 100km. recorre lugares ben interesantes do interior da provincia da Coruña. O bosque en inverno mostra as pegadas dos temporais e das medras do caudal do río: árbores caídas, ramallada arrastrada pola corriente, arbustos deitados,...As árbores caducifolias aínda sin follas, somentes os acivros, loureiros e algúns máis teñen follas. Á beira do camiño moitos diminutos narcisos silvestres poñen notas de cor entre a herba e o musgo. O silencio do bosque é interrumpido nalgúns lugares pola corriente do río, polo batido de ás ou o graznido dalgunha ave, por algún refacho de vento e pouco máis. E así chegamos ao tramo do río cuberto , onde o río se esconde baixo as...

Este roteiro parte de Sta. María de Cabalar, na Capela, e vai preto do curso do Belelle arriba por un tramo da GR55- Ruta dos castelos e mosteiros. Está ben sinalada, pero desta vez, atopamos o camiño en mal estado en varios lugares, por mor dos traballos forestais. Pasada a segunda ponte atopamos o muiño, ben grande e en bo estado de conservación. Seguimos a ruta, camiño arriba, ata a seguinte ponte sobre o Belelle. O camiño vai en paralelo á canle do muiño e no verán dá gusto facer o regreso ata o muiño seguíndoa, para poder observar de cerca o cauce cheo de penedos que atravesa este río. Camiñata curta, pero ben fermosa na que disfrutamos da beleza das fragas e do río.

Entre as moitas rutas que podemos facer no río Belelle, esta do concello da Capela é unha das máis sinxelas. Na web do concello están moi ben descritas e temos toda a información precisa. Saímos do adro da igrexa barroca de Sta. Mª de Cabalar. Ao longo dos 4km. a ruta discorre a carón do río polo medio dunha fraga que co paso das estacións irá cambiando. Nunha pequena ponte de madeira cruzamos o río e chegamos ao lugar onde este desaparece baixo grandes bloques graníticos, dando lugar ao nome da ruta: río cuberto. Poucos metros máis abaixo volve a aparecer chegando a área recreativa de Formariz. A ruta é circular, pero a nós gústanos voltar polo mesmo camiño. Estupenda ruta para calquera estación do ano.

Este río, que temos tan preto, ofrece ao longo do seu curso rutas ben marcadas e en moitos casos moi coidadas, que nos mostran un amplo abano de lugares para descubrir. Neste caso un remanso de tranquilidade moi preto do encoro que hai neste río. Despois dun verán de sequía dá gusto ver tanta auga.