Polo norte de Galicia

Cargar pilas cun paseo pola praia é estupendo. Si vives preto dunha, calquera momento é bo para achegarte a ela. O extenso areal da praia de Seselle-O Raso , é un paraíso para camiñantes, corredores ou simplemente paseantes. Ata aos parruliños lles gusta!

Un paseo mañaneiro, o sábado pasado, pola praia de Seselle pode resultar un deses magníficos agasallos que podemos facernos a nós mesmos: bo para a saúde tanto física coma mental, gratis e polo tanto bo para loitar contra o consumismo, bo para desconectar das redes e usar o teléfono so para facer fotos, bo para disfrutar das pequenas cousas e da vida sinxela, bo para esquecer as malas novas que parecen ameazar o mundo, ...

Un paseo matutino pola praia de Seselle é un bo agasallo de Reis . Entre chuvasco e chuvasco, aproveitamos para disfrutar deste paseo na praia solitaria a esta hora temperá da mañá. Unha gozada; volta un á casa coas pilas cargadas.

Eses momentos que quedan gravados na memoria! Un paseo pola praia de Seselle-Raso unha tarde de febreiro pode proporcionarnos moitos deses momentos. A inmensidade do areal ofrecendo toda a beleza do inverno na ría de Ares . O can, gardián da praia, controlando a ría. A beleza da costa de Bezoucos é moita!

Un paseo pola praia de Seselle nun serán de novembro pode ser o paraíso. Sempre hai algo distinto, novo, fermoso, único, máxico... que apreciar e disfrutar. A beleza dun tronco arrastrado pola marea, o aroma do salitre no aire, o son do mar, a caricia do sol, a airexa marina na pel, a natureza adormecendo... Gústame novembro co seu aire fresco que nos achega ao inverno. Coa súa neblina de nostalxias, distancias, recordos... A felicidade está á volta da esquina, nas pequenas cousas que nos rodean. Vivimos no paraíso.

Levamos un mes de borrascas sucesivas, con pequenas treguas entre elas, que propician a práctica de deportes relacionados co vento nas praias. Por iso, a praia de Seselle nestas semanas está moi frecuentada polos afeccionados ao kitesurf e ao windsurf . Contemplalos mentras practican é un espectáculo. As cometas no ceo danzan imparables!

Onte pola mañá, aproveitando unha tregua antes da chegada da borrasca Domingos , demos un paseo corto pola praia de Seselle . O sol acompañounos aínda que o vento xa anunciaba o que estaba por chegar. A praia, coma sempre, un paraíso.

A ría de Ares é magnífica para a navegación e por iso sempre se poden ver numerosas e variadas embarcacións surcando as súas augas. Moitos afeccionados á pesca, á navegación ou a outros deportes náuticos adoitan disfrutala en calquera época do ano. Dende Pontedeume ata Punta Coitelada , e máis alá, unha fermosa costa con pobos mariñeiros de película, fermosas praias, calas paradisíacas e cantís namoraranos á primeira ollada. Unha ría para disfrutar!